தீராவலி

ஊருக்குள்ளே பெரிய வீடு......
தாத்தாவிட்டுப்போன சொத்து..
பாகப்பிரிவினை வந்தபோது,
விட்டுக்கொடுக்க மனதில்லாமல்
விடுபட்டன உறவுகள்.........

ஒருபோர்வைக்குள்
வீடு கட்டிவிளையாடியபோது...அங்கே
அனைவருக்கும் இடமிருந்தது அப்போது...
அண்ணன் வீடு கட்டியிருக்கிறானாம் இப்போது.
சென்று காண ஆசைதான்-ஆனால்...
இன்று இடமிருக்குமா?
அவன் வீட்டிலும் மனதிலும்....

அக்காவின் உடைகளை அனுமதியின்றி
உரிமையோடு அனுபவித்த நாட்கள்...
அவள் மகனுக்கு கல்யாணமாம்....
அழைப்பிருக்குமாஎனக்கு?......

அன்று அண்ணன் அடித்ததும்.,
அக்காதிட்டியதும் வலிக்கவில்லை...
இன்று அவர்களின் பாராமுகம்
தீராவலியைத்தருகிறது.